|
|
Mesela Kurdan û
Kurdistanê meseleke dîrokî ye li rojhelata navîn
û cîhanê, û gelekî giringe, jiber ne herêmî ye û
pirsgirêka Kurdan bûye cîhanî û pêwîst nake em
hin tiştan dûbare bikin jiber her çawa Kurdên
Başûr êş ji baesiyan dîtiye, me jî weku Kurdên
bakur êş ji desthilatên Tirkiyê û yên Kemalî
dîtiye, û ev heyama 86 salaye komara Tirkiyê
hatiye damezrandin û di dirêjahiya vê demê de
hebûna Kurdî her hatiye binpêkirin... çi ji
serdema piştî damezrandinê ve û heta bi kodetaya
sala 1980 û herweha heta niha jî, û tiştek jibo
Kurdan li bakurê Kurdistanê ne hatiye kirin.
Lê îro em ketine qonaxeke din de,
û ew jî ewe ku hikûmeta nû angao ya Erdogan
tiştek yan pirogramek na aniye meydanê û di
bêjin ku dê pirsgirêka Kurdî çareser bikin, û em
dikarin bêjin ku ev jî cara yekê ye ev pirsgirêk
bi vî awayê eşkere tê ziman, lê heta niha em
nizanin çi dê çêbe, jiber Barak Obama jî di
heyama piropagenda xwe de diyar kir ku dê
guhertinekê pêkbîne, û piştî serketina wî raste
hin guhertin hatin kirin û bandoreke wan li ser
rojhelata navîn jî çêbû, wekî din jî berya wê
hatina Emerîkayê jibo Iraqê û berya wê jî şerê
diwemê Kendavê ku roleke baş leyzt daku Kurdên
Başûr rizgariyekê bi xwe ve bi bînin, ango
bandoreke van guhertinan li ser rewşa Kurdan
hebû, lewra niha hin derfetên weha jibo
Kurdistana Bakur jî têne bidest xistin, û divê
derbarê de pediviye Kurd zanîbin çawa van
derfetan jibo xwe bi karbînin, ango di vî warî
de Kurd naçarin di siyasetê de û herweha di warê
abûrî de jî li gor (lîberalîzma Cîhanî) kar
bikin, û niha demukratîk bûye dernmanê tevahiya
êşên cîhanê...û herweha Kurdistana Bakur
giringiyeke xwe di vê yekê de digre, bi taybetî
ku bêtirî 25 mîlyon Kurd tê de dijîn, û bi
dîtina min hikûmeta niha ya Tirkiyê ya nû bi
awakî baştir ji yên berya xwe, kar dike, hem di
aliyê Emerîkayê de û hem di aliyê Ewrupayê de
baş kar dike, û herweha heta niha her hikûmeteke
hatiye ser desthilata Tirkiyê inhkara Kurdan
kiriye, lê diyare ya Erdogan ne weha ye, û heta
niha tiştekî xirab ne kiriye û hin gavên baş jî
avêtine, weku nimûne vekirina TV ke Kurdî bi
navê TRT6, û ev jî gaveke gelekî baş bû jiber bi
dîtina min ev jî nîşana iflasa siyaseta dewletê
ye, çunkî berya niha hebûna Kurdî bi hemû corên
xwe ve (ziman, keltûr, medeniyet...htd) ango her
tiştekî li dor Kurdan, qebûl ne di kirin, lê bi
vekirna vê kenalê diyar kirin ku êdî çare di
destê wan de nemaye, û bi dîtina min avêtina vê
gavê li cem hin aliyên din jî bi giringî hate
qebûl kirin, weku nimûne Emerîkayê dixwaze jibo
berjewendiyên xwe tenhahiyê û aramiyê li deverê
bicî bike û lihevhatinê di navbera hin aliyên
nakok de pêkbîne, û bi taybetî dixwaze aramî di
navbera herêma Kurdistna Başûr û Tirkiyê de çêbe,
û sedema vê jibo ser wê yekê vedigere, ku gaz û
petrola li Tirkiyê bi rê ya xaka Kurdistana
Bakur ve derbas dibe, lewra Emerîkayê dixwaze
aramî li wê deverê hebe, wekî din jî îro
Kurdistana Başûr xwedan ciyografîkeke gelek
giringe, jiber ji aliyekî ve petrola welatên
Asyaya navîn tê Kurdistanê û piştre şaxek diçe
Ewrupayê û şaxê din jî diçe Bakurê Afrîkayê,
jibo vê yekê îro Kurd jibo Emerîkayê bûye
aliyekî giring, û ev rewş jî bi hêsanî nayête
guhertin, û di vê derbarê de û di warê siyasî de
pêdivî û naçarî li ser dewleta Tirkiyê jî çêdibe
ku hin gavan bavêje, hem di aliyê Kurdên Bakur
de û hem jibo Kurdên Başûr jî.... ger em li
siysetê binêrin.. ev heyama bêtirî salekê ye
gelek karên siyasî li rojhelata navîn têne kirin,
weku nimûne berya niha Tirkiyê hez ji Kurdên
Başûr ne di kir, em na bêjin neyartiya wan dikir
lê têkiliya navbera herdû aliyan ne xweş bû, lê
niha Tirkiyê weha dizane ku êdî pêdiviya wê bi
dostatiya Kurdên Başûr heye, û ev tişt jibo me
Kurdan jî, dê baş be, jiber Tirkiyê dibe rê ya
Herêma Kurdistanê û Kurdan jibo Ewrupayê, ger em
îro li Sûriyê, Iraqê û Êranê bi nêrin em dê bi
bînin ku îro Tirkiyê ji van her sê dewletan
demukratîtire, bê guman Kurdên Kurdistana Bakur
rastî gelek tiştên xirab hatine weku (kuştin,
girtin û bipêkirin...htd) lê li Tirkiyê bi
kêmanî mirov dikare tiştekî bi nivîse yan jî
biçe ber dadgehê û jibo xwe bi axive, raste dibe
ku mafê wan hemû neparastî bin jî, lê bi kêmanî
Kurd li hember dadgehan dikarin bi axivin û li
hember vê yekê li her sê dewletên din tiştekî
weha tuneye, lewra ev yek jî jibo Kurdên Bakur
jî başe, ku rewşa wan ji vê siyasetê û şûndetir
dê baştir bibe, û sedema wê jî ewe ku Tirkiyê
heyama salaye dixwazw biçe nav yekêtiya Ewrupayê,
û stander û keltûrê vû yekêtiyê jî eşkereye, û
li gor vê standerê divêt mafên Kurdan wekû yê
Tirkan di dewleta Tirkiyê de bêne parastin, û em
dikarin bêjin ku di vî warî de mafên Kurdan li
Kurdistana Bakur heye ku bibe federasiyoneke
hevbeş di nav dewletê de jiber em tev dizanin ku
Kurd rastî gelek inkariyê û kiryarên xirab
hatine, û îro mafên wan heye weku heman mafên
Tirkan wergirin, û ya herî baş ewe ku îro li gor
riyalîzm û rastîneya siyasî, tevahiya şert û
mercên pêkanîna federasiyonekê li Kurdistana
Bakur bi awakê hevbeşê di nav dewletê de, hene,
li aliyê din jî dibe ku îro hin Kurd jî hene
Kurdistaneke serbixwe dixwazin û heta niha jî ev
daxwazî di dilê her Kurdekî de heye, lê gelo ev
tişt tê kirin yan na?... ev Kurdistana dê niha
bê rizgarkirin yan na? Em dikarin giftugoyê li
ser bikin, lê niha ez dixwazim bême ser
federasiyona Kurdan li Kurdistana bakur ku ew jî
di dilê Kurdan de heye, jiber di bînin ku mafê
wan heye weku heman bidesthatiyên Tirkan
wergirin, û herweha hin aliyên din jî hene bi
tenê dixwazin mafên wan yên keltûrî bêne
parastin, lê bi dîtina wan hin asteng li hember
van daxwazên wan hene, weku nimûne hejmareke
qanûnên ku ji serdema Kemalî ve hatine danîn
dibin asteng li hember daxwazên wan, çunkî gelek
mafên wan qedexe dike û dixwazin hin qanûn bêne
guhertin weku (qanûna partiyên siyasî, û yên
helbijartinan daku karîbin piropagenda xwe bi
zimanê xwe bikin, û li gor sîstemên Ewrupayê kar
bikin, û herweha hin yasayên din jî) û li gor
vêdaçûna lêkolînerekî 152 yasa li Tirkiyê hene
ku li dijî mafên Kurdane, û ger ev qanûn neyêne
guhertin Tirkiyê nikare bêje ez welatekî
demukratim lewra nikare jî biçe nav yekêtiya
Erupayê jî, jiber çareser kirina pirsgirêka
Kurdan yek ji daxwzên serekî yên yekêtiya
Ewrupayê ye, û bi dîtina wan hin neteweyên din
jî di nav hin welatên Ewrupayê de hene (li
Beljîkayê, Firansayê, Ispanyayê...htd) ku bi
zimanê xwe kar dikin û taybetmendiya xwe ya
netewî di parêzin û perlemêntên wan yên taybet
jî di nava welatên wan de hene, û tevî vê yekê
jî zererê nageînin yekêtiya welatên xwe, û
yekêyîta wan welatan têk neçûye,
li hember vê yekê Tirkiyê ji ezmûna parçebûna
xaka Osmaniyan di tirse ku bêtirî bîst welatan
ji wê parçebûn û hatine damezrandin, lewma Kurd
heyama sed salî ye daxwaza her mafekî xwe dikin
wan bi niyazên parçebûnê tometbar dikin, û li
gor vê siyasetê danûstanê bi wan re dike, û îro
êdî ev siyaset na meşe û kevin bûwe, jibo vê
yekê dibînin ku pêdviye li ser wan hin gavên
jibo pirsgirêka Kurdan bavêjn, û mesele bi tenê
vekirina TRT6 tuneye, lê belê hin mesele û
mjarên dî jî hene divê em wan yek bi yek bînin
li cem hev, îro di zîndanên Tirkiyê de êdî her
kes dikare bi Kurdî bi axive û beriya niha her
kesekî ku bi zimanê Tirkî nedizanî, ne dikarîbû
serdana kesên xwe yên zîndanî bike, û niha di
perlemênêtê de qanûneke dî tê amadekirin li dor
zarokên ku kevir avêtine leşker û polîsan, ango
ew zarok dê li gor qanûneke taybet ya bi zarokan
û di dadgehên zarokan de bêne dadgehîkirn, û
herweha kar jibo hin yasaêyên dî jî tê kirin, û
jiwan jî dibêjn ku kesên heyama pênc salan
hatine cezakirin dê di malên xwe de bîne zîndanî
kirin, herweha hin gavên dî yên erênî hatine
avêtin û ev jî hemû bi razîbûn û xwesteya
Emerîkayê û yekêtiya Ewrupayê birêve diçe û tê
kirin, û wekî dî jî bi dîtina min pirogirameke
dî ji derve jî tê meşandin, ango Emerîkayê
dixwaze bi Êranê û Tirkiyê re pirsgirêka PKK
çareser bike, jiber beriya niha dihat gotin ku
pirsgirêk bi tenê ya terorê û ya PKK, û ya Kurdî
tuneye, lê îro êdî hemû alî dizanin ku ger PKK
jî nebe, pirsgirêka ( kurdî û ya Kurdistanê)her
heye û ji bilî vê yekê çara di destê Tirkiyê de
tuneye, lewra bi dîtina min lihevhatina Îraqê û
Tirkiyê û Emerîkayê heye ku PKK dev ji çekên xwe
berde û here nav Tirkiyê û ev jî Tştekî başe...
çima?? jber şerekî heyama 30 salan êdî nikare
berdewam be, û ya diwê jî ewe ku PKK bi
çekdariyê pirsgirêka Kurdî gehande xalekê ku êdî
divê dev jê berde û li wêderê bihêle, û herweha
jber ku îro mercên siyasî ne li aliyê şerê
çekdarî ne, û bi nerîna min piştî hatina
emerîkayê jbo deverê, êdî qîmetê şerê çekdarî û
ne jî qîmet û qedrê partî yên bi dizî nemaye, û
dibe ku li rojhelata navîn partî yên weha yek bi
yek nemînin, wekî dî jî pilanek heye ku
nivîserên Tirkiyê û dezgehên wan yên ragehandinê
dibêjn ku dibe îstixbaratên Tirkiyê hin
hevdîtinan bi Ocelan re pêktînin, û ev tşt jî
mumkne ku hin hevdîtin li ser hin pilanan û
pirobleman çêdikin, û niha hin hevalên PKK û
kesên me hatin û çekên xwe danîn, û dewletê bi
rê dadweran îfade ji wan wergirt û ew şandin
malên wan, û di vê em zanîbin ku ew kes ser bi
PKK ve ne û çek û cilên wan yên PKK ne, û ger
PKK nebaye ew kes nediçûn serê çiya, û ev jî
gaveke mezin bû, lê pêdvîbû weha nekirbaye ku vê
cejna weku ya sedsalî lidarxin, raste mirov
şadibe û dixwaze aştî bête bicî kirin û tenahiyê
bi xwe ve bibînin, lê beriya vê yekê gerek
kurdan li hember vê yekê ev piroses
ranewestandibaye û gereke ev pêvajo û avêtina
gavên weha neyêne girtin, û bi dîtina min hem
PKK û hem jî partiya wê DTP çewtiyeke gelek
mezin kirin, û nikarîbûn vê pirosesê û vê
pêvajoyê îdarebikn, û tabî ev jî tştekî gelekî
xirabe û nabe em rê li hember wê bigirin û li
gor dîtina min biriyareke şaş dan dema gotin
divê girûpa
hevalên PKK yên ku li Ewrupayê xwe amadekiribûn
neyêne Tirkiyê, û bi dîtina min nabe ev pêvajo
bê rawestan, jiber her çende ev aştî rêjeyî be
jî, lê hatina wê jibo Tirkan û jibo me Kurdan jî
û hem jibo hikûmeta herêma Kurdistanê, mefa û
qazance. Û ev li cem min hebû ku min bi kurteyî
li ser kêşeya Kurdî, pêşkêşkir.
|
 |
