Sergotar

Lîstikvanekî sereke ye ..lê di peydekirina nakokiyan de

 Di hevpeyivîna xwe ya televêziyonî de bi kenala-ABC-ya amerîkî re, serokê Sûriyê bersiva pirsekê derbarê nêrîna  rêjîma wî ji pirsgirêka Iraqî da û wiha got:“gelek lîstikvan di kirîza Iraqê de rol digirin, lê Sûriyê lîstikvana sereke ye”, angu mîratgirê serokatiya Sûriyê mikur dibe ku rêjîma wî para here mezin ji tawan û kiryarên terorîst yên ku rojane li Iraqa belengaz dibin, bi xwe digire.Di heman demê de, gelek nameyan ji layên pêwendîdar bi karûbarên Iraqê nexasime dewletên yekbûyî yên amerîkayê re dişîne têde amadebûna rêjîma xwe ji girêdana misaweme û hevpeymanan derbarê Iraq û herdû kirîzên Filistînî û lubnanî, bê şerm derdibirre, bi şertê ku rêjîma wî ya tepeser were parastinê û têk neçe û mijara dadgeha navneteweyî derbarê tawana destkuştina serok Herîrî were  rawestandinê...ta radeya pêşkêşkirina destjêberdanan ji       Israilê re di dema gotûbêjan de derheqê zeviyên Sûrî yên dagîrkirî de, tiştê ku di navgînên ragihandinê de di van herdû hefteyên dawî de hate diyarkirinê.  Eger ku niyaza rêjîma Sûrî di warê piştgirtina hewildanên rawestandina  terorê di Iraqê de safî be, hewceyî bi daxuyanî û bi lîstina rola sereke wesfkirin nîn e, lê bi qedexekirina derbasbûna çek û teroristan berev Iraqê ve di riya sûriyê de, û rawestandina gurkirina ragihandinî li dijî hikûmeta lêgal û venasîndana bimakezagona iraqî ûferderasiyona herêma urdistanê ûproseya siyasiya demoqrata  heyî piştî rûxandina dîktatoriyetê, lê wekî dixuye ku rêjîmê tevlîbûna xwe bi hevbendiya Îranî re çesipandiye û biryara dijminahîkirina rewşa nuh ya Iraqê bê veger daye, û hertiştê hate gotin di dema seredana şandeya fermî bi serokatiya serokkomar û sozê ku hatine birîn bi seredana şêxê teroristan-Haris Darî-re yê ku weke şandeya fermî hate pêşwazîkirin, hatine sekinandinê Berjewendiyên tavilê layên ku çarenûsa xwe bi Prsoeya  guherîna demokratîk di navçeyê de ji Iraqê heta bi Filistîn û Lubnan tevlî Sûriyê girêdane, avakirina eniyeke  yekgirtî bermaberî hevbendiya dijayetîker ya ku ji herdû rêjîmên tepeser yên Îran û Sûriyê pêktê tevî komikên islama siyasî yên tundrew, pêwîst dike.Her weha , pêdiviya  rêkxistina rêjîmên tolerans yên ziyandîtî ji niyazên hevbendiya behskirî ya ku tovên nakokî û pevçûna mezhebî û nijadperestî di seranserê rojhilata navîn de, dadixe holê

Destpêka Laperi