Gelên Rojhilata Navîn li şayisteyên xwe digerin

Sergotar 

Di operasiyoneke aloze de,hêzên navxwe û derveyî raûboçûn û proje û pilanên bi akama dirûstkirina çareseriyeke tevav ji nakokiya ku li gel serhildana welat û kiyanên paş herdû cengên cîhanî û rûxana emperatoriyeta Osmanî serî hildane,kêş dikin.

Ravekar û çavdêrên rûdan û pêşhatiyên navçeyê û pêşbîniyên hêzên navneteweyî yên mezin bi taybetî Dewletên Yekbûyî yên Amerîkayê(DYA)li hev dikin ku di çend heyvên bê de guherînên kûr di gorepana Rojhilata Navîn de pektên,ku buneyad û pêkhateya wê ya ciyo-siyasî digirin ber xwe û rêjîmên tepeser weke herdû rêjîmên Dîmeşeq û Tehranê dê ne bê par bin ji guherînên behskirî.

Her weha,komikên–Islama Siyasî-yên tunderew û terorîst dê armanceke herdemî bin ji rûbirûbûna siyasî û rewşeenbîrî û leşkerî ji layê hêzên guherîna demokrasî yên navxewyî û herêmî û dost û hevpeymanên wan li her deverê.

Eger ku"hevpeymana dijayetîker"(rêjîmên tepeser û rêxistinên Islama Siyasî yên tunderew)hewil dide ku rûpelan tevlî hev bike û hundir û derve bixapîne û pîstirîn rengên demagojiyê bikar tîne û tawanên tunekirin û destkuştinan li dijî takakes û hêzên siyasî yên aştîxwaz encam dide û diruşmên opozisyona niştimanî didize û rola xemxur li ser serxwebûn û serdestiyê dilîze,hêzên guherînê xwediyên kêşeyên gel û niştiman û berpirsên niha û paşeorjê û sazkerên çarenûsê divên ku li pêşî bin di warê zelalkirina dîmenê û eşkerkirina rastiyan de weke derewên"hevpeymana dijayetîker"û gerîna li baştriîn rê bo gihîştina formkirina bername û planên stratîcî û pratîk û xwendina asoyên paşerojê bi şêweyeke dirust û misogerkirina mercên pêwîst bo pêkanîna serkeftinê û têkbirina hevpeymana li dijî guherîn û çaksaziyê ku çavkaniya teror û nakokiyên teyafgerî û regezperestiyane li dijî gelan û neteweyên ne ereb e.

Ji ber vê çendê,Kombenda Kawa bo Çanda Kurdî heleqeyeke lêkolînî bi navnîşana "projeya Rohilata Navîn a Nû,semyan û rehendên wê"sazkir ku tê de heşt mijar li dora tavilê rehendên projeyê navhatî ji layê pisporên siyaset û yasa û ragihandin ve li dirêjahiya du rojan hatine pêşkêşkirin.Rol û pêgeh û nêrîn û paşeroja milletê Kurd di bin saya projeya rojhilata navîna nû de,xala herî berz û balêkêş bû.

Destpêka Laperi