Dadgehkirin û Tawanbarkirina Sedam

 Yan

Zivrandina Pûytê Bi Peywendiyên Kurdî û Erebî

SERGOTAR

Pişti kêşa Eldicêl dadgeha bilinda Îraqê berdewame li ser dadgehkirina diktatorê ji navçûyî û destekên wî û vekirina badeka tawanên Enfalan, yên ku bi dihan hezar ji keç û xortên gelê kurd kuştine bê çi guneh ji bilî jêbûna wan bo netewa kurdî.

Badeka enfalan ji tawanên nejadperêsiyê ye yên jibo ji navbirina regezekiye mina tawanên naziyan û faşistan û tûraniyan û sehyoniyan yên dîroka nû ku bûne xaleke reşa şermezariyê li ser eniya mirovayetiyê û her ûher dê mînê.

Ew kiryarên rijêma Behsa ji navbirî li Îraqê û bi dirêjahiya dihan sal dijî gelê kurd yê dost û heval jibo ereban zor dijwar û bi êş bû û hemû sînor bezandin û rûbirûbûnek beramber hizra neteweyî ya erebî ya hevçerx peydakir û girfteke rewiştî jibo rewşenbîrê ereb li her cihekî çêkir lid or têgehên azadiyê û mafên gelan di çarenivîsê xwede û mafên mirov û demoqrasiyê û pêkve jiyana neteweyî û hemarengiya çandî û yekîtiya niştîmanî, bi taybetî li demean ku rijêm bi eşkerayî û bi dizî pilan di dariştin jibo ji navbirina gelê kurd ji ser nexşeyê îraqê yê neteweyî û cugrafî û encamdana guhorina dimografî bi rêka ji navbirinê û kuştinê û dûrxistinê û guherandina jêbûna neteweyî bi zorî û bi rêka muhr kirina bi xurtî li ser listene taybet ku dezgehên ewlekariyê amade dikirin yan jî bi encamp dana kuştarên bi kom mina tawanên enfalan ku seranserê Kurdistanê girtibûn û hijmara qurbaniyên wê ji sed û heştê hezar mirovan ji zilam û jin û zarokan bûrîbûn zêdebarî heşt hezar Barzanî ji kur û nevî û mirovên Barzaniyê nemir, goristanên bi kom îro girovene û dîsan jî kuştina pênc hezar kesan ji xelkê Helebçe bi çekên kîmawî û jehrewî, eve û ji bilî hezareha kiryarên dîtir ji sêdaredan û kuştinan dijî gelê kurd bi dirêjahiya desthelatiya diktatorî.

Hovitiya wan tawanan û seranserî û şêwazê wan yê nejadperêsî û genî me paldidê ku em li ser rawestin ne mina tawanekê ku kesekî yan komekê ji girûpeke tawanbar kiriye sererayî berpirsatiya wan wek kes, belê pêtiviye em temaşê lê bikin mina tawanbariyeke dijî mirovatiyê û nizmbûneke hizrî û ji rê derketineke rewiştî û paşve çûneke siyasî û serşoriyek û ketinek bo şaristaniyetê li seranserî çerxekî û qonaxekê û eydiyolociyekê ku berpirsatiya helsangandin û şermezarkirin ûdij rawestandina wê li ser milê her kesekî xwedan buhayên azadiyê û mafperweriyê û dadperweriyê û aştiyê û li ser her kesekî li buhayên mirovatiyê digerê û xebatê dikê jibo guhorîna demoqrat û felatê ji bindestiyê, di vî biyavî de em dibînin ku rewşenbîr û bijareyên siyasi û çalakvanên berhingariyên niştîmanî yên welatên ereb û bi taybetî li dema encam dana wan tawan û kuştaran û xwe bi dirêjahiya dihan sal di êş û azarên gelê kurd ne di gihandinm ew bêtir berpiersiyarin di li xwe zivrînê û peşdarîkirina hizrî û rewşenbîrî di xwendineke nû lid or ewa hatiye kirin û danana şengist û pirensîpên saxlem jibo vegerandina pûytê jibo peywendiyên kurd û ereban bi taybetî di biyavê avakirin û çespandina baweriyê û peykerê dostîniyê di navbera herdu gelan li ser binyatê danpêdana hevgor di hebûn û mafan û pêkve jiyan li bin sîbera hevpeymaniyeke hevçerx di çarçûvê destûr û yasayan û bi çavdêriya baweriyên niştîmanî û neteweyî û mirovaynî.

Destpêka Laperi